Friday, November 5, 2010

ပြည်သူစုံညီ မဲထည့်မည်

မြန်မာနိုင်ငံ၏ အနှစ်နှစ်ဆယ်အတွင်း ပထမဆုံး အကြိမ် ပြန်လည်ကျင်းပမည့် ရွေးကောက်ပွဲသည် လာမည့် တနင်္ဂနွေနေ့ (နိုဝင်ဘာ ၇၊ ၂၀၁၀ ခုနှစ်) တွင် ကျရောက်မည်ဖြစ်သည်။ ထုိုအရာနှင့် ပက်သက်ကာ အတုိုက်အခံတုို့၏ လှုပ်ရှားမှုအပေါ် ကျွန်တော့ ကောက်ချက်အား နိဒါန်းမပျိုး ရေးသားလုိုပါ၏။


ယနေ့ ပြည်ပ အတုိုက်အခံများနှင့် အန်အယ်ဒီပါတီတုို့၏ လမ်းကြောင်းသည် မဲမပေးရေး ဖြစ်သည်။ ဘာကြောင့်နည်း။ မဲမပေးခြင်းဖြင့် ရွေးကောက်ပွဲ၏ တရားဝင်မှု (သုို့) အရေးပါမှုကုို လျော့ချနိုင်မည်ဟု သူတုို့မျှော်လင့်သည်။ မဲမပေးခြင်းဖြင့် ကမ္ဘာသည် အစုိုးရသစ်အပေါ် ဆက်လက် အမြင်စောင်းနေအောင် ပြုလုပ်နုိုင်မည်ဟု သူတုို့ မျှော်လင့်သည်။ သုို့သော် ထုို မဲမပေးခြင်းသည် ပါတီမှ စိုးရိမ်ပြနေသော၊ ယခုရွေးကောက်ပွဲကုို သပိတ်မှောက်ရလောက်အောင် ဖြစ်စေသော တပ်မတော်အစုိုးရမှ အာဏာကုို တရားဝင်ဖြစ်အောင် ကြိုးပမ်းနေသည်ဆုိုသည့် လမ်းကြောင်းမှ ကယ်တင်ခြင်း မဟုတ်ပါ။ ဒီအဖြစ်ကြီး မပေါ်ပေါက်လာအောင် တားဆီးခြင်း မဟုတ်ပါ။

ထုိုသုို့လျှင် ပြည်သူအား ဖြစ်သွားမှာ စုိုးရိမ်ပါသည်ဟု တွင်တွင်ဟစ်ပြနေသော လမ်းကြောင်းအား ဟန့်တားခြင်းမဟုတ်ပဲ တုိုင်းပြည်၏ အစုိုးရသစ်အား နုိုင်ငံတကာမှ ယခုပုံစံအတုိုင်း ဆက်လက် အမြင်စောင်းနေရုံသာ စွမ်းဆောင်နိုင်မည့် ယခု မဲမပေးရေး လှုပ်ရှားမှုအား ကြည့်ပြီး အန်အယ်ဒီ ပါတီသည် မြန်မာနုိုင်ငံရေးအား တုိုးတက်အောင် စွမ်းဆောင်နုိုင်ဖုို့ အသာထားကာ အနှစ်နှစ်ဆယ် သွားခဲ့ရသည့် မအောင်မမြင်ဟုဆုိုနိုင်သော အခြေအနေကုိုပင် ဆက်လက်တည်မြဲရေးအား အကြိတ်အနယ် ခုခံလုပ်ဆောင်လှုပ်ရှား နေရသည့် အနေအထားထိ ရောက်ရှိနေပြီဟုသာ ကောက်ချက်ချမိပါသည်။


ထုိုအရာသည် အန်အယ်ဒီလှုပ်ရှားမှုအပေါ် မူတည်ကာ အဆုိုပါပါတီ၏ အနေအထားအား ကောက်ချက်ချကြည့်ခြင်းသာ ဖြစ်ပီး အဆုိုပါအချက်သည် ကျွန်တော့အား ယခုဆောင်းပါကုို ရေးစေသည့် အချက်မဟုတ်ပါချေ။

အဓိက ပြောလိုသည်မှာ မဲမပေးရေး လှုပ်ရှားမှုအား စိတ်ပါဝင်စားသည့် ပြည်သူအား ကျွန်တော့်အမြင်ကုို ချပြလုိုရင်း ဖြစ်ပါသည်။ ယခု မဲမပေးရေး လှုပ်ရှားမှု အသံကုို နားထောင်ကြည့်လျှင် ယေဘုံယျ အလွယ်တကူ နားလည်နိုင်သည်မှာ

  • ဖွဲ့စည်းပုံတွင် လွှတ်တော်ကုိုယ်စားလှယ်များသည် တပ်မတော်နှင့် သူ၏အပေါင်းအပါများ သဘောမတူပဲ ဘာမျှ လုပ်ဆောင်မရ။
  • ဥပဒေကြမ်း ပြုစုရေးသည်ပင်လျှင် မလွယ်လှသော အနေအထား ဖြစ်သည်။
  • ဖွဲ့စည်းပုံတွင် ပြင်ဆင်လုိုလှသည့် အဓိကအချက်များသည် တပ်မတော်သား အစိတ်သဘောမတူလျှင် မည်သုို့မျှ ပြင်ဆင်မရနုိုင်သောကြောင့် ဖွဲ့စည်းပုံ ပြင်ဆင်ရေးသည် အိမ်မက်သဖွယ် စိတ်ကူးယဉ်ခြင်းသာ ဖြစ်သည်။ (သူတုို့၏ အနှစ်နှစ်ဆယ် စိတ်ကူးယဉ်မှု လမ်းကြောင်းသည်သာ အသားကျ ပျော်မွေ့ဖွယ်ဖြစ်သည်
  • အချိန်မရွေး ပြန်လည် အာဏာသိမ်းခွင့်ကုို တပ်မတော်မှ ရယူထားသည်

စသည် စသည်တုို့ အပါအ၀င် အခြားအချက် တော်တော်များများ ရှိပါသေးသည်။ သုို့သော် ထုိုဖွဲ့စည်းပုံဖြင့် ပေါ်ပေါက်လာတော့မည့် နုိုင်ငံရေးအနေအထား အသစ်ကုို မတားဆီးနုိုင်တော့သည့် အချိန်တွင်၊ လက်ကို လက်ခံရတော့မည့် အချိန်တွင် ကျွန်တော်တုို့အနေဖြင့် ပြောင်းပြန်အနေအထားဖြင့် ဘာကြောင့် မစဉ်းစားနိုင်ကြသနည်း။

အကယ်၍သာ နှစ်ဆယ်ငါးရာခိုင်နှုန်း သဘောမတူပဲ အခြေခံဥပဒေ၏ အဓိကအချက်များကုို ပြောင်းဖုို့ မဖြစ်နိုင်ဟုဆုိုလျှင် ထုိုအတုိုက်အခံများသည် ဘာကြောင့် ထုိုနှစ်ဆယ့်ငါး ရာခုိုင်နှုန်း ဆုိုသည့် အင်အား မဖြစ်နုိုင်ရမည်နည်း။ ဥပမာ ပြောရလျှင် ယခု ဖွဲ့စည်းပုံတွင် ပြထားသော တပ်မတော်၏ အာဏာသိမ်းပုိုင်ခွင့် အများဆုံး တစ်နှစ်သက်တမ်းအား နှစ်နှစ် သုံးနှစ် သက်တမ်းသို့ ပြောင်းလဲချင်ပါသည်ဟု တပ်မတော်ကုိုယ်စားလှယ်များက တင်သည်ဆုိုပါစို့။ အတုိုက်အခံ အစိတ်ရှိနေလျှင် ထုိုဥပဒေ အား ပြောင်းလဲရန် ဖြစ်နုိုင်မည် မဟုတ်ပါချေ။

လက်ရှိအစုိုးရအနေဖြင့် အမှန်တကယ် လက်တွေ့စခန်းသွားချိန်တွင် ပေါ်ပေါက် လာနိုင်သည့် အခက်အခဲများအား တွေ့ရှိပါက ထုိုနေရာများအား အားဖြည့်ပြင်ဆင်ရန် ကြိုးစားလာနိုင်ပါသည်။ ထုိုအခြေအနေတွင် ယခုသေးငယ်သော နှစ်ဆယ့်ငါးဆုိုသည့် အင်အား အား အတိုက်အခံတုို့ ရရှိထားပါက သူတို့သည် အဓိက အဟန့်အတား ဖြစ်လာပါလိမ့်မည်။ ပြည်သူသာ ညီမည်၊ စွမ်းမည်ဆုိုလျှင် ငါးဆယ်ရာနှုန်းအထိ အတည်ပြုမှရသော ဥပဒေများတွင်ပင် အတုိုက်အခံ လွှတ်တော်အမတ်များ သဘောတူညီမှ အတည်ဖြစ်လာမည့် အဆင့်ထိ ရောက်ရှိနုိုင်ပါလိမ့်မည်။ မည်သည့် ဥပဒေကြမ်းမှ အတည် ဖြစ်သွားအောင် မတင်သွင်းနုိုင်ပါစေဦး၊ ဖွဲ့စည်းပုံကုို မပြင်နုိုင်ပါစေဦး။ ထုို အမတ်တုို့သည် ပြည်သူကုို အကျိုးပြုမည့် ဥပဒေကြမ်းများအား မတင်ပြနုိုင်လျှင်ထားပါဦး၊ ပြည်သူအား အကျိုးမရှိစေမည့် ဥပဒေများ မပေါ်ထွက်လာအောင် တားဆီးသည့် အင်အားများတော့ ဖြစ်လာမည်မှာ မလွဲချေ။


ယခုအတိုက်အခံများ လှုပ်ရှားနေသည့် မဲမပေးရေးလှုပ်ရှားမှု အစွမ်းကုန် အောင်မြင်သွားသည် ဆုိုလျှင်သော်မှ ကျွန်တော်တုို့သည် ထုိုအဆင့်လောက်အထိ နုိုင်ငံရေး လှုပ်ရှားမှု ရနုိုင်ပါမည်လား။ မဲမပေးရေး အောင်မြင်သည် ဆုိုပါစုို့။ အနောက်နုိုင်ငံများ အနေဖြင့် ရွေးကောက်ပွဲသည် ပါဝါမရှိ အစုိုးရအသစ်ကုို အသိအမှတ်မပြုဟု လက်ရှိအစုိုးရကို ဆက်ဆံသလုို ဆက်လက်လုပ်ဆောင် ကြမည်။ အရှေ့ဘက် အိမ်နီးချင်းတွေကလဲ အသိအမှတ်ပြုပါသည်။ စုိုးရိမ်ပါသည်။ ထိန်းထိန်းသိမ်းသိမ်းလုပ်ဖုို့ တိုက်တွန်းသည် စသည်တုို့ဖြင့် ဗုိုလ်နေမြဲ ကျားနေမြဲ ဆက်နေကြမည်။ မဲမပေးသောကြောင့် လွှတ်တော်ထဲ အတုိုက်အခံ တစ်ဝက်ဆုိုသည် အသာထားကာ အစိတ်သားတောင် အနုိုင်နုိုင်ေ၇ာက်မည် ဖြစ်သောကြောင့် နောက်ပိုင်း လှုပ်ရှားမှုတုိုင်းကုို နှိမ်နင်းမည့် ဥပဒေကြမ်းများအား အနှောင့်အယှက်မရှိ လွှတ်တော်တွင် ဒီမုိုနည်းဖြင့် မဲခွဲအတည်ပြုနုိုင် ကြမည်။


အံ့သြစရာပင်။ ထုိုအဆင့်သည်။


အန်အယ်ဒီအနေဖြင့်၊ ပြည်ပအတိုက်အခံများ အနေဖြင့် ရင်ကွဲအောင်အော်ကာ နေ့ညမရွေး အားကျိုးမာန်တက် ကြိုးစားနေသည့် မဲမပေးရေး လှုပ်ရှားမှု အောင်မြင်မှု၏ အဆင့်သည်။ ရလာဒ်သည်။


ယခုလက်ရှိ ကျပ်တည်းနေသည့် မြန်မာနုိုင်ငံရေးအခြေအနေအား အရွေ့မရှိ ဆက်ထိန်းထားဖုို့ အဆင့်မျှသာ ဖြစ်သည်။ သုို့သော် သူတုို့သည် တရားမ၀င် ပါတီဖြစ်သွားခြင်းအား မပြောင်းလဲနုိုင်သလုို၊ ပူပန်ပြနေသော စစ်အုပ်ချုပ်ရေး တရားဝင် ဖြစ်စေခြင်းတုို့ကုိုမူ စုိုးစဉ်းငယ်မျှ တားဆီးနုိုင်ခြင်းမရှိသည့် အပြင် ယခုမဲမပေးရေး လှုပ်ရှားမှုသည် လွှတ်တော်ထဲတွင် အနဲငယ်မျှ တားဆီးမည့်သူများကုိုပင် ဟန့်တားသူများ ဖြစ်လာကြ၏။


စိတ်ပျက်ဖွယ် ကောင်းသလုို စိတ်မကောင်း ဖြစ်စရာလဲ ဖြစ်သည်။ အဘယ့်ကြောင့် အတွေးတုို့ စိတ်ကူးတုို့သည် လွန်စွာ တယူသန်ကြသနည်း။ ရွေးကောက်ပွဲဝင်သူများအား တဖက်သက် ရန်လုိုမှုသည် (တဖက်သက်ဟု မြင်သည်။ ရွေးကောက်ပွဲဝင်သူများသည် အန်အယ်ဒီအား မည်သူမျှ မပုတ်ခတ်ကြပါ) ဘေးမှကြည့်နေရသည်ပင်လျှင် အတော်ကြီး ရုပ်ဆုိုးပမ်းဆုိုး နုိုင်လှပါသည်။


အချုပ်ဆုိုရလျှင်မူကား အန်အယ်ဒီအနေဖြင့် သိက္ခာကြောင့်လည်းကောင်း၊ လုပ်စရာလမ်းပျောက်သော ကြောင့်လည်းကောင်း၊ ရရာတုိုးရသည့် အကျိုးမဲ့ အနာဂါတ်မဲ့ ခြေလှမ်းများ လှမ်းခြင်းဟု ကျွန်တော်တုို့ ပြည်သူမှ နားလည်သင့်ပါသည်။ တခြားတဖက်တွင်မူ ပြည်သူအနေဖြင့် ထုိုလမ်းကြောင်းကုို ရောယောင်လျှောက်ခြင်းဖြင့် အန်အယ်ဒီမှ သတိမဲ့စွာ သူလွတ်လပ်စွာ လှုပ်ရှားခွင့် ရမည့် နုိုင်ငံရေး အခွင့်အရေးများအား ကုိုယ်တုိုင်ပြန်သတ်နေခြင်းအား ခွင့်ပြုရာ ရောက်ပါလိမ့်မည်။ သင်တုို့၏မဲသည် ထုိုအနာဂါတ် နုိုင်ငံရေးသမားများ လှုပ်ရှားမှုကုို ကာကွယ်ပေးမည့် မဲတစ်ချပ်ပင် မဟုတ်ပါသလော။ ကျွန်တော်တုို့သည် တတ်နုိုင်သမျှ အတုိုက်အခံများကုို လွှတ်တော်ထဲ အရောက်ပုို့ရပါမည်။


နိဂုံးအနေဖြင့် ဆုိုရလျှင် ကျွန်တော်တုို့သည် နိုင်ငံရေး သမားများ မဟုတ်ကြပါ။

သုို့သော် ထုိုသူများအား အကာအကွယ် ပေးနိုင်သူများ ဖြစ်ကြပါသည်။ သူများ တုိုက်တွန်းလှုံ့ဆော် မှုကြောင့်သော်လည်းကောင်း၊ သွေးဆူသော ခဏတာ ခံစားမှုကြောင့်သော် လည်းကောင်း မဟုတ်ပဲ ကုိုယ်ပုိုင် ဆုံးဖြတ်နုိုင်စွမ်း ရှိသူများ ဖြစ်ကြပါသည်။

မနက်ဖြန်သည် ကျွန်တော်တို့၏ ထိုဆုံးဖြတ်ချက်ကုို ပြရမည့် အချိန်ဖြစ်ပါ၏။ သင်တုို့အား ဘက်ပေါင်းစုံမှ တုိုက်တွန်းချက်များအား အသာထားကာ စဉ်းစားစေလုိုပါသည်။ ကျွန်တော့်အနေဖြင့်မူ တစ်ခုသာ တိုက်တွန်းလိုပါသည်။


ကျွန်တော်တုို့ စုံစုံညီညီ မဲထည့်ကြပါစုို့။


ကျေးဇူးတင်ပါသည်


မျိုးမြန်မာ


အများပြည်သူကြားသုို့ ပိုမုိုပြန့်နှံ့ရောက်ရှိစေရန် အလုို့ငှာ မိတ္တူအား ပိတောက်မြေသုို့ ပေးပို့ပါသည်။

Sunday, March 29, 2009

ဤဆိုလျှင် “ဤ”ဟု ကျွဲဆိုလျှင် “ကျွဲ”ဟု…

လူညီလျှင် ဤ ကိုကျွဲဟု ဖတ်လို့ရသည်ဆိုသော မြန်မာစကားပုံတစ်ခုရှိသည်။ အဓိကကတော့ လူညီဖို့ ဖြစ်ပါသည်။

ယနေ့မြန်မာနိုင်ငံရေးအခြေအနေသည်ကား အတိုက်အခံဆိုသူများအနေဖြင့် ဤဆိုလျှင် ဤဟု ကျွဲဆိုလျှင် ကျွဲဟု ညီညွတ်စွာရပ်တည်သင့်သော အခြေအနေဟု မြင်မိပါသည်။ လက်ရှိတပ်မတော် အစိုးရ၏ ၂၀၁၀ ရွေးကောက်ပွဲသည် အီလေးဆွဲနေသည့် မြန်မာ့နိုင်ငံရေးအား တဆင့်တက်စေသော လှုပ်ရှားမှုဖြစ်သည်။ သို့သော် အဆိုပါလှုပ်ရှားမှုသည်ပင်လျှင် အတိုက်အခံများအကြား အမြင်များ ကွဲပြားခြင်း၊ ထိုအမြင်ကွဲပြားမှုကိုပင် အခြေတည်ကာ အမြင်မတူသူများ တစ်ဖက်နှင့်တစ်ဖက် ပုတ်ခတ်ခြင်း စသည်တို့ကို ပေါ်ပေါက်လာစေသည်။ အစထဲက သေချာစွာမရှိခဲ့ပဲ အခြေအနေကိုလိုက်၍ တောင်လှော် မြောက်လှော်လှော်ခဲ့သည့် သူတို့၏ နိုင်ငံရေးလှုပ်ရှားမှု လှေကြီးသည်လည်း ဘယ်ဘက်သွားရမှန်းမသိ ပိုမိုေ၀၀ါး ပျောက်ဆုံးအောင်ကို ဖြစ်နေကြသည်မှာလည်း အထင်အရှားပင် ဖြစ်ပါသည်။

အန်အယ်ဒီပါတီအနေဖြင့်လည်း ဒီမိုကရေစီအရေးတွင် မည်သို့မည်ပုံ တိုးတက်အောင် အကောင်အထည်ဖော်မည်ဆိုသည့် လမ်းကြောင်းကိုမျှ ပီပီပြင်ပြင် ချထားခြင်းမရှိပဲ စိတ်ကောက်မူနွဲ့ရုံမျှသော စိတ်ဖြင့် ကျောခိုင်းခဲ့သည့် Road Map ၏ ပီပြင်ပုံပေါ်လာမှုကို ပြတ်သားစွာဆုံးဖြတ်ချက်မချနိုင်သေးပဲ ဝေေ၀၀ါးဝါးဖြင့် ကျားကန်ပြောဆို နေရသည့်အခြေအနေကို ရောက်ရှိလာ၏။

ထိုအခြေအနေတွင် ကုလသမဂ္ဂ အစရှိသည့် နိုင်ငံတကာအဖွဲ့များနှင့် ပတ်ဝန်းကျင်နိုင်ငံများမှလည်း မြန်မာအတိုက်အခံဆိုသူများနှင့် အန်အယ်ဒီပါတီတို့ ဖြစ်စေချင်သည့် လွန်ခဲ့သော နှစ်နှစ်ဆယ်ရလဒ်ကို အကောင်ထည်ဖော်စေချင်သော လမ်းကြောင်းထက် လက်တွေ့ပိုမိုကျသည့် ယခုကျင်းပမည့်ရွေးကောက်ပွဲတွင် အားလုံးပါဝင်စေလိုသည့် လမ်းကြောင်းကိုသာ စေ့စပ်ပေးရန် ပိုမိုအားသန်ကာ ထိုသို့ပြုလုပ်ရန်ကိုပင် ကြိုးပမ်းကြ၏။ ထို့ကြောင့်ပင် အန်အယ်ဒီသည် ၂၀၁၀ ကို ပြောဆိုလာသည့် ထိုပုဂ္ဂိုလ်များ၊ စေ့စပ်ညှိနှိုင်းသူများအား ပတ်လည်ရန်လုပ်၊ တစ်ဖက်မှလည်း ယတိပြတ်ဆုံးဖြတ်မပြောဆိုဝံ့ပဲ စောင့်ကြည့်နေရသည့် ပါတီ၏အကျပ်အတည်းကို မြင်နိုင်ပေသည်။ ထိုအရာသည် ယခင်ကာလများကဲ့သို့ အစိုးရမှ ဖိနှိပ်သောကြောင့် ကျပ်တည်းနေခြင်းမျိုးမဟုတ်ပဲ မိမိ၏ မူဝါဒများကို မည်သို့သတ်မှတ်ရမည် မတွက်ချက်နိုင်သော မူဝါဒပိုင်းဆိုင်ရာ အားနည်းကျပ်တည်းမှုမျိုးဟု ကောက်ချက်ချမိပါသည်။

ယခုအချိန်တွင် အမေရိကန်နိုင်ငံ၏ မူဝါဒအပြောင်းအလဲ လေသံပစ်မှုများကလည်း အတိုက်အခံများ၏ ရပ်တည်ချက်ကို ပိုမိုေ၀၀ါးစေမည်ဟု ယူဆမိပါသည်။ အမေရိကန်အစိုးရသစ်သည် လိုအပ်သည်ထင်သည့်အတိုင်း အပြောင်းအလဲပြုလုပ်ရန် ကြိုးစားခြင်းဖြစ်သော်လည်း မြန်မာနိုင်ငံရေးအခြေအနေသည် အတိုက်အခံများအကြား ရွေးကောက်ပွဲဝင်သင့် မ၀င်သင့် အယူဝါဒ တစ်ဖက်နှင့်တစ်ဖက် အားပြိုင်လွန်ဆွဲနေကြသည့် အချိန်ဖြစ်နေခြင်းကြောင့် ထိုအချက်သည် ပုံမှန်ထက်ပိုကာ များစွာသက်ရောက်မှု ရှိမည်ဖြစ်သည်။ ရွေးကောက်ပွဲကို ဆန့်ကျင်လိုသည့် သဘောထားတင်းမာသူများသည် များစွာအားလျော့ သွားကြမည်ဖြစ်၏။

တဖက်တွင်ကြည့်မည်ဆိုလျှင်လည်း ရွေးကောက်ပွဲမ၀င်သင့်ဟု ကြွေးကြော်သူများသည် မ၀င်လျှင်မည်သည့် စီမံချက်များဖြင့် မည်သို့ဆန့်ကျင်မည်ဆိုသည့် အစီအစဉ်များ ချပြမထားနိုင်ကြခြင်း၊ ပြည်သူ၏ ဒီမိုကရေစီအရေးအတွက် အတိုက်အခံများအပေါ် အားကိုးလိုစိတ်သည် အားလျော့လာခြင်း၊ အတိုက်အခံများကိုယ်တိုင်ပင်လျှင် မိမိတို့၏ တော်လှန်ရေးဆိုသည်၏ အတွင်းကျကျအခြေအနေများကို ကြည့်ပြီး ခိုင်မာသော ဇွဲမာန်များ ပျောက်ဆုံးလာနေကြခြင်း စသည်တို့ကြောင့် ရွေးကောက်ပွဲမ၀င်ရဆိုသူများသည် စိတ်ကူးယဉ်ကြသူများ၏ အယူအဆကဲ့သို့ ဖြစ်လာ၏။ နိုင်ငံတကာအဖွဲ့အစည်းများ၊ နိုင်ငံများအနေဖြင့်လည်း လွန်ခဲ့သည့် အနှစ်နှစ်ဆယ် ရွေးကောက်ပွဲသာ အတည်ဖြစ်သင့်ပါသည်ဆိုသည့် အတိုက်အခံများ၏ အသံအပေါ် လက်ခံယုံကြည်ပေးစေနိုင်သည့် ယုတ္တိပိုင်းဆိုင်ရာ အားနည်းမှုကလည်း ရှိနေပြန်ပါ၏။

ဤသို့သောအခြေအနေတွင်..

ကျွန်တော်မျိုးမြန်မာယူဆမိသည်မှာ အတိုက်အခံများအနေဖြင့် ရွေးကောက်ပွဲသို့ ၀င်မည်၊ (သို့) ဆန့်ကျင်မည်ဆိုသည့် ရပ်တည်ချက်တစ်ခုကို ညီညွတ်စွာ စုရုံးချနိုင်ခြင်းသည်သာ အကောင်းဆုံးဖြစ်မည်ဟု ထင်၏။ ဤသို့ပြုလုပ်ခြင်းဖြင့် မည်သည့်ဘက်တွင် ရပ်ကြသည်ဖြစ်စေ ထိုရပ်တည်မှုသည် အားကောင်းမည်ဖြစ်၏။ အားကောင်းမှလည်း သန်စွမ်းမည်ဖြစ်သည်။ သန်စွမ်းမှသာလျှင် အကယ်၍ လက်ခံမည်ဆိုလျှင် လွှတ်တော်ထဲတွင် ခုသင်တို့ပူပန်နေကြသည့် တပ်မတော်အစိတ်သားကို ရင်ဆိုင်ရာ၌ ထိထိရောက်ရောက် ထိန်းချုပ်နိုင်မည်ဖြစ်သည်။ အကယ်၍ ဆန့်ကျင်မည်ဆိုလျှင်လည်း ထိရောက်သော နိုင်ငံတော်အစိုးရဆန့်ကျင်ရေးကို (ဒီမိုကရေစီအရေးဟု မဆိုပါ.. ထိုအချိန်တွင် မည်သို့ဆိုစေ မြန်မာနိုင်ငံသည် ဒီမိုကရေစီနိုင်ငံဖြစ်နေသည်မှာ မငြင်းနိုင်ချေ..) ပြုလုပ်နိုင်မည်ဖြစ်၏။ သို့မဟုတ်ပါလျှင်မူ လွှတ်တော်ထဲတွင်လည်း အားလျော့နည်းလှသော၊ တဖက်မှလည်း အားလျော့နည်းကာ မည်သို့မျှမထိရောက်သော အကျိုးယုတ်မှုများကိုသာလျှင် ရရှိနိုင်ပါလိမ့်မည်။

ထို့ကြောင့် အထက်ပါနည်းလမ်း နှစ်လမ်းအနက် မည်သည့်လမ်းကိုမဆို အတိုက်အခံများအနေဖြင့် အစည်းအလုံးမကွဲစေပဲ တညီတညွတ်ထဲ လိုက်နာကြပါလျှင် ခရီးရောက်နိုင်ကြမည်မှာ အမှန်ပင်ဖြစ်သည်ဟု ယူဆမိပါသည်။ သို့သော် နိုင်ငံရေးတွင် စိတ်ထက်သန်လွန်းခြင်းသည် အယူဝါဒတစ်ခုကို စွဲစွဲမြဲမြဲယုံခြင်းကဲ့သို့ပင် မိမိယုံကြည်ချက်သည်မှ အမှန်ဟုထင်ကာ ညီညွတ်ခြင်းအင်အား ပျက်ပြားဆုံးရှုံးခြင်း၏ အန္တရာယ်ကို သိလျှက်ပင် တစ်ဖက်နှင့်တစ်ဖက် အံတုယှဉ်ပြိုင် အနိုင်လုလိုစိတ်သည်လည်း လူသားတို့၌ စွဲမြဲစွာရှိပါသည်။ ထိုအရာသည် တစ်စုံတစ်ရာသော အကျိုးရလဒ်ကို မက်မောသောကြောင့် မဟုတ်ပဲနှင့် မိမိယုံကြည်ရာကို အားသန်လွန်းခြင်းကြောင့်သာ ဖြစ်၏။ ကံဆိုးသည်မှာ လူသားတို့၏ စွဲမြဲစွာယုံကြည်ချက်တို့သည် တခါတရံတွင် အမှန်တရားမဟုတ်ခြင်း၊ လက်တွေ့မကျခြင်းပင်ဖြစ်သည်။

အချုပ်ဆိုရလျှင်မူ ယခုဖွဲ့စည်းပုံအား လက်ခံသင့်သည် သို့ ဆန့်ကျင်သင့်သည်ဟု ဆိုကြသူများသည် ဘာကြောင့်လက်ခံသင့်ပါသည်၊ ဘာကြောင့်ဆန့်ကျင်သင့်ပါသည်ဟု ခိုင်မာစွာ ဆိုနိုင်ကြသူများဖြစ်၏။ အများစုတွင်တွေ့ရသည့် တူညီသည့်အချက်မှာမူ သူတို့သည် ဒင်ပြည့်ကျပ်ပြည့် ဒီမိုကရေစီကို လိုလားကြသူများဖြစ်၏။ ထို့ကြောင့် အတိုက်အခံများဆိုသကဲ့သို့ လွှတ်တော်ထဲတွင် ရင်ဆိုင်ရမည်ဆိုလျှင်တောင် မည်သည့်အဖွဲ့မှ တက်လာသည့် ကိုယ်စားလှယ်သည်မဆို တပ်မတော်အစိတ်သားကို ထိန်းချုပ်ရန် ကြိုးစားမည့်သူများသာဖြစ်သည်။ ထို့ကြောင့် ထိုအစိတ်သားအား ထိန်းချုပ်ရန်မှာ အတိုက်အခံတို့သာ ညီညွတ်ပါမူ စူးရှထက်မြက်စွာ လုပ်ဆောင်နိုင်ကြမည်ဖြစ်၏။ ထို့ပြင် မိမိတို့ကြိုးပမ်းသမျှသည် တရားဝင်ဖြစ်ကာ အကောင်အထည်ပေါ်လာမည်ဖြစ်၏။ အနီးဆုံး အကျိုးမှာကား နိုင်ငံသည် ငြိမ်းချမ်းတိုးတက်မည်ဖြစ်၏။ အဘယ်ကြောင့်ဆိုသော် ယခုဖွဲ့စည်းပုံ၏ အဓိကအားနည်းချက်မှာ အာဏာခွဲတမ်းသာဖြစ်ပြီး ပြည်သူ့၏ နေ့စဉ်ဒီမိုကရေစီ လူ့အခွင့်အရေးတို့သည်မူ အပြည့်အ၀ မဟုတ်လျှင်တောင် ယခုထက်များစွာတိုးတက်မည်မှာ သေချာသောကြောင့် ဖြစ်၏။ ဒင်ပြည့်ကျပ်ပြည့် ဒီမိုကရေစီအတွက်မူ အချိန်ယူရမည်မှာ မှန်ပါသည်။

(ဤနေရာတွင် အတိုက်အခံတို့သည် တပ်မတော်အစိတ်သားအား ရင်ဆိုင်ရန် ပူပန်ကြီးစွာရှိကြသော်လည်း၊ ထိန်းချုပ်ရမည်ဟု ထင်မှတ်ထားကြသော်လည်း ကျွန်တော်ယူဆသည်မှာ လွှတ်တော်သည် နိုင်ငံအားမည်သည့်နည်းလမ်းဖြင့် ကောင်းကျိုးပြုစေမည်ဆိုသည့် စီးပွားရေး၊ လူမှုရေး၊ အုပ်ချုပ်ရေးဆိုင်ရာ အချက်များကို ဆွေးနွေးကြသော နေရာဖြစ်သောကြောင့် ထိုအစိတ်သားသည် ကဖျက်ယဖျက် လုပ်နေမည်လည်းမဟုတ်၊ ဖွဲ့စည်းပုံ၏ ဖော်ပြချက်များအရ ထိုပုံမှန် ဆုံးဖြတ်ချက်များအား ဆန်ကျင်ဖက်ပြုလုပ်နိုင်သည့် အင်အားပမာဏလည်းမဟုတ်ချေ။)

တစ်ဖက်တွင်လည်း အကယ်၍ ရွေးကောက်ပွဲကို ဆန့်ကျင်မည်ဟု ဆုံးဖြတ်ပါလျှင် ရွေးကောက်ပွဲဝင်သင့်သည်ဟု ယုံကြည်ကြသူများအား တော်လှန်ရေးတွင် ပြန်လည်ယုံကြည်လာအောင် ချပြနုိုင်သည့် ခိုင်မာသောလမ်းကြောင်း မရှိခြင်း၊ အဖွဲ့အစည်းများအတွင်း ပြိုကွဲမှုများ ရှိနေခြင်း၊ စည်းရုံးနိုင်စွမ်းအားမရှိတော့ခြင်း၊ ကမ္ဘာ့အဖွဲ့အစည်းများ၏ ထောက်ခံမှုလျော့ကျလားခြင်း စသည့်အချက်များ ရှိနေ၏။ အရေးကြီးသည်မှာ ထိုသို့ ဆန့်ကျင်ခြင်းဖြင့် နှစ်ပေါင်းများစွာ လုံးပါးပါးနေသည့် နိုင်ငံအား မည်သို့အကျိုးရှိစေပါမည်ဟူသော အချက်ကို မစဉ်းစားနိုင်ခြင်းပင်ဖြစ်သည်။ေ၀၀ါးလှပေ၏။

ထိုနည်းလမ်းနှစ်သွယ်တွင် ရွေးကောက်ပွဲတွင် ပါဝင်ကာ အစိုးရအား ရင်ဆိုင်ခြင်းသည် လက်တွေ့လည်း ပိုဆန်မည်ဖြစ်၏။ နိုင်ငံတကာမှလည်း ထိုရွေးကောက်ပွဲ ၀င်သူများဖက်မှသာ လုံးဝအပြည့်အ၀ ရပ်တည်ကြမည်ဖြစ်၏။ ၀င်သင့်သည်ဟု ယုံကြည်ကာဝင်သူများရော၊ လုံးဝလက်မခံချင်သော်ငြားလည်း စည်းလုံးမှုမပြိုကွဲစေရန် ယုံကြည်ချက်ကို အသာထုပ်သိမ်း အောင့်အီးဝင်သူများပါ အပြည့်အ၀ဒီမိုကရေစီသာလျှင် ဦးတည်ချက်ဖြစ်သောကြောင့် စူးရှထက်မြက်စွာ စီမံခန့်ခွဲမှုများကို တခဲနက်ပြုလုပ်နိုင်မည်ဖြစ်၏။ ပြည်သူသည်လည်း အကျိုးခံစားရရှိရန် ကြာမြင့်စွာ စောင့်ရန်မလိုအပ်တော့သည့်အပြင် နစ်နာဆုံးရှုးံမှုကြီးသော ခေတ်ပြောင်းမှုလည်း မဟုတ်သည့်အကျိုးကို တိုင်းပြည်သည် လက်ငင်းခံစားရမည်ဖြစ်၏။ အကျိုးရှိဆုံးကာ တိုင်းပြည်၏ ငြိမ်းချမ်းတိုးတက်မှုဖြစ်ပါလိမ့်မည်။

ထို့ကြောင့် ကျွန်တော်မျိုးမြန်မာ၏အမြင်တွင် စည်းလုံးညီညွတ်မှုကို ရှာဖွေမည်ဆိုလျှင် ရွေးကောက်ပွဲဝင်ရောက်ခြင်းသည်သာ လက်တွေ့အဆန်ဆုံးဖြစ်သည်ဟု ယူဆပါသည်။ မည်သို့ဆိုစေကာမူ အတိုက်အခံတို့သည် ဤဆိုလျှင် ဤဟု ကျွဲဆိုလျှင် ကျွဲဟု စည်းလုံးစွာ ရပ်တည်ကြရန်သည်မူ အရေးတကြီး လိုအပ်ပါ၏။ မဟုတ်လျှင်မူကား လွှတ်တော်ထဲတွင်လည်း မစို့မပို့ အင်အားဖြင့်လည်းကောင်း၊ ပြည်ပတွင်လည်း မဖြစ်ညစ်ကျယ်အနေအထားဖြင့်လည်းကောင်း၊ မပီမပြင်ဖြင့် ဟိုနေရာဆွ ဒီနေရာဖွကာ မြန်မာနိုင်ငံအား ဆက်လက်မတည်မငြိမ်ဖြစ်စေမည့် အနေအထားလောက်သာ နာတာရှည်ဖြစ်နေမည့်အရေး ပူပန်မိသောကြောင့် ဖြစ်ပါသည်။

ကျေးဇူးတင်ပါသည်
မျိုးမြန်မာ

မိတ္တူအား ပိတောက်မြေ သို့ပေးပို့ပါသည်။

Wednesday, March 18, 2009

ပိတ်ဆို့မှုမှအပ မည်သည့်နည်းလမ်းသည်မှ ကူညီမှုမဟုတ်ဟု ယူဆပါသည်လား။

အမေရိကန် ပြည်ထောင်စု၏ နိုင်ငံခြားရေး ၀န်ကြီး ဟေလာရီ ကလင်တန်က အမေရိကန်အစိုးရသစ်အနေဖြင့် မိမိတို့၏ မြန်မာနိုင်ငံဆိုင်ရာ မူဝါဒများကို ပြန်လည် သုံးသပ်လျှက် ရှိကြောင်း ထုတ်ဖော်ပြောဆိုခဲ့မှုမှစကာ မြန်မာ့နိုင်ငံရေး အတိုက်အခံများအကြား လှုပ်ရှားပေါ်ပေါက်လာသည့် အသံများ၊ တုန့်ပြန်မှုများ၊ ထင်မြင်ချက်များအား လေ့လာကာ ကျွန်တော့်အမြင်အား ဆွေးနွေးလိုသောကြောင့် ဤဆောင်းပါးအား ရေးသားခြင်းဖြစ်ပါသည်။

အမေရိကန်နိုင်ငံ၏ ပြောဆိုချက်သည် အမြွက်မျှသာဖြစ်သည်။ မည်သို့မျှ တိတိကျကျမရှိသေးပါ။ သို့သော် ယခုကျင့်သုံးနေသည့် ပိတ်ဆို့မှုနည်းလမ်းသည် အောင်မြင်မှုမရှိသောနည်းလမ်းဖြစ်နေသည်ဟု သွယ်ဝိုက်ဝန်ခံသကဲ့သို့မူ ဖြစ်စေပါသည်။ အမှန်တကယ်လည်း မြန်မာဒီမိုကရေစီအရေးအတွက် အောင်မြင်မှုမရှိသော နည်းလမ်းဟု ကျွန်တော်ပြတ်သားစွာပင် ကောက်ချက်ချမိပါသည်။ ဤနေရာတွင် စီးပွားရေးပိတ်ဆို့မှုလမ်းကြောင်းသည် အောင်မြင်မှု၊ အကျိုးထိရောက်မှု ရှိသည် (သို့) မရှိသည်ဆိုသည်မှာ ထိုသုံးသပ်သူ၏ ခံယူချက်အပေါ်တွင် တည်မှီနေပါသည်။ အကယ်၍ စီးပွားရေးပိတ်ဆို့မှု၏ ရည်ရွယ်ချက်သည် မြန်မာ့တပ်မတော်အစိုးရအား အုပ်ချုပ်ရေး၊ စီးပွားရေးတို့ ထိခိုက်ကာ အထီးကျန်ဆန်၍ ပြုတ်ကျသွားပီး ဒီမိုကရေစီထွန်းကားလာစေရန်ဟု ရည်ရွယ်ပါလျှင် အောင်မြင်မှု မရှိသလောက်ဖြစ်သည်မှာ လက်တွေ့ပင်ဖြစ်သည်။ အကယ်၍ ရည်ရွယ်ချက်သည် စီးပွားရေးပိတ်ဆို့မှုကြောင့် ပြည်သူလူထုမှ ကျပ်တည်းဆင်းရဲကာ မကျေနပ်မှုများ တိုးပွားလျှက် အုံကြွပေါက်ကွဲစေရန် ရည်ရွယ်လျှင်မူ အထိုက်အလျောက် အောင်မြင်သည်ဟု ဆိုနိုင်ပေသည်။ ထို့ကြောင့် ထိုပိတ်ဆို့မှုများ၏ဦးတည်ချက်သည် ပြည်သူလော၊ တပ်မတော်အစိုးရလောဟူသည့် အချက်ပေါ်မူတည်ပြီး လူတို့၏ အောင်မြင်သည် (သို့) မအောင်မြင်ပါဆိုသည့် အမြင်များ ကွဲပြားသွားနိုင်ပေ၏။

ယခုမူ အမေရိကန်သည် ပိတ်ဆို့မှုလမ်းကြောင်းသည် မြန်မာဒီမိုကရေစီအရေးအတွက် အထောက်အပံ့မှ ဖြစ်ပါ၏လောဟု သံသယ၀င်ကာ ပြန်လည်စိစစ်နေပြီဖြစ်သည်။ ဤနေရာတွင် အံ့သြောစရာ ကောင်းသည်မှာ အတိုက်အခံတို့၏ တုန့်ပြန်လာသော အသံပင်ဖြစ်သည်။ သူတို့သည် အမေရိကန်မှ ပိတ်ဆို့မှုများ ရပ်တန့်လိုက်မည်ကို စိုးရိမ်တကြီး ရှိကြသည်မှာ မဖုံးနိုင်မဖိနိုင်ပင်ဖြစ်သည်။ ဆယ်စုနှစ်များစွာ ကျင့်သုံး၍ မအောင်မြင်နိုင်သော နည်းလမ်းဖြစ်သည်ဟု ထင်ရှားလှသော ထုိုအရာကိုပင် ဆက်လက်ကုတ်တွယ် ထားချင်သည်ကို မြင်နိုင်၏။ ကူညီမှုများ ရပ်တန့်လိုက်မည်လောဟု စိုးရိမ်သံများအား ကြည့်လျှင် ထိုပိတ်ဆို့မှုကိုပင်လျှင် ကူညီမှုဟု သတ်မှတ်ထားသည်။ တိုး၍ပိတ်ဆို့ခြင်းသည် တိုး၍ ကူညီခြင်းဖြစ်သည် စသည့် ခံယူချက်များသည် များစွာပင် စိတ်ပျက်ဖွယ်ကောင်းလှချေသည်။

သူတို့၏ ဦးတည်ချက်သည် မြန်မာနိုင်ငံဒီမိုကရေစီ ထွန်းကားရေးဟု ဆို၏။ ထိုအရေးအတွက် ပိတ်ဆို့မှု လမ်းကြောင်းတစ်ခုအား နိုင်ငံတကာမှ ကျင့်သုံးအောင် အစဉ်တစိုက် တိုက်တွန်းခဲ့သော်လည်း အချိန်ကြာမြင့်ကာ တိုင်းပြည်အား အထိနာစေရုံမှအပ မည်သို့မျှ မအောင်မြင်နိုင်သော နည်းလမ်းဖြစ်သည်ကို မြင်နိုင်ပေသည်။ ကျွန်တော့်အနေဖြင့် နားမလည်နိုင်သည်မှာ အဘယ့်ကြောင့် အခြားနည်းလမ်းဖြင့် ထွန်းကားအောင် ဆောင်ရွက်မည်ဟူသည့် လေသံပစ်လာမှုကို ၀မ်းသာတရ မကြိုဆိုနိုင်ကြသနည်း။ အဘယ်အရာကို စိုးရွံ့ကြပါသနည်း။

ထိုသို့ သုံးသပ်မိသောအခါ အတိုက်အခံတို့၏ သဘောထားအား များစွာစိတ်ပျက်မိပါ၏။ အဆိုပါသူတို့၏ ဦးတည်ချက်သည် ပြည်သူအား ကျပ်တည်းမှုဖြင့် အုံကြွပေါက်ကွဲစေလိုခြင်းသည် အဓိကကဲ့သို့ ဖြစ်နေသည်။ ထို့ကြောင့် မြန်မာနိုင်ငံ၏ ဒီမိုကရေစီရရှိရေးအတွက် ပိတ်ဆို့မှု (စိတ်ထဲတွင် ဖြစ်နိုင်လျှင် ၀င်ရောက်တိုက်ခိုက်သိမ်းပိုက် စေလိုမှု) ကိုသာ ကူညီမှုအဖြစ် သူတို့လက်ခံပါ၏။ ထိုလမ်းကြောင်းသည် အောင်မြင်သည်ဖြစ်စေ။ မအောင်မြင်ပဲ နှစ်မည်မျှပင် ဆက်လက်တည်ရှိသည်ဖြစ်စေ။ အခြား မည်သည့်နည်းလမ်းကိုမှ နားပင်မထောင်တော့ပဲ စိုးရိမ်တကြီး ပယ်ထုတ်ဆန့်ကျင်ကြပါ၏။ ထိုလမ်းကိုသာ ဖက်တွယ်လိုကြပါ၏။ ရယ်ဖွယ်ကောင်းသည်မှာ အဆိုပါသူများသည် ပြည်သူအား ကျပ်တည်းဆင်းရဲနေပါပီဟု စိုးရိမ်တကြီး အော်ဟစ်ပူပန်ပြနေသူများလည်း ဖြစ်နေခြင်းပင်။

ထို့ကြောင့်ပင် ကျွန်တော်မျိုးမြန်မာသည် ထိုသူတို့ထံ၌ မြန်မာနိုင်ငံတွင်ဒီမိုကရေစီ ရရှိစေလိုသည့် စိတ်ဆန္ဒဇွဲအမှန်သည် တည်ရှိပါသေး၏လောဟု သံသယအတွေး တွေးမိပါတော့သည်။

ကျေးဇူးတင်ပါသည်။
မျိုးမြန်မာ

Thursday, January 1, 2009

၂၀၀၉

၂၀၀၈ ကိုနှုတ်ဆက်တာလား.. ၂၀၀၉ ကိုကြိုတာလားမသိနိုင်ပေမဲ့ ကျွန်တော့ပတ်ဝန်းကျင်ကတော့ လှုပ်ရှားတက်ကြွနေကြပါတယ်.. တစ်ယောက်နဲ့ တစ်ယောက်အတွေ့မှာ Happy New Year လို့ နှုတ်ဆက်ကြပုံကတော့ ရောက်လာမဲ့ ၂၀၀၉ ကို ကြိုဆိုချင်စိတ်ဟာ တစ်နှစ်ကြာခဲ့ပီ ဖြစ်တဲ့ ၂၀၀၈ အဟောင်းကြီးကို နှုတ်ဆက်ချင်စိတ်ထက် ပိုကြမယ်ထင်ပါရဲ့.. လူတိုင်းလူတိုင်းဟာ ရောက်လာမဲ့နှစ်သစ်အတွက် စိတ်လှုပ်ရှားနေကြပုံပါပဲ.. ကျွန်တော်လည်း အပါအ၀င်ပေါ့ဗျာ..

၂၀၀၈ ဟာ ကမ္ဘာအတွက်ကော ကျွန်တော်တို့ မြန်မာနိုင်ငံအတွက်ပါ တော်တော် ရုပ်ပျက်ဆင်းပျက်နိုင်တဲ့နှစ်လို့ ခံစားမိပါတယ်.. ဆိုးဝါးလှတဲ့ သဘာဝဘေးဒဏ်တွေရော.. လူ့ပယောဂတွေနဲ့ ပေါ်လာတဲ့ စစ်ပွဲတွေရော.. မောဟဒေါသတွေနဲ့ ဖြစ်လာတဲ့ အနိုင်လိုမှုတွေရော.. နောက်ဆုံး ကပ်ရပ်ဖြစ်လာတဲ့ စီးပွားရေး ဂယက်တွေရောနဲ့ လူတွေကို တော်တော်စိတ်ဒုက္ခပေးခဲ့တဲ့ နှစ်ပါပဲ.. ဒီတော့လည်း မွန်းကြပ်မှုတွေနဲ့ ကျွန်တော်တို့ဟာ ဘာမှမဟုတ်တဲ့ နာမဂဏန်းတစ်ခုပဲဖြစ်တဲ့ ၂၀၀၈ ဆိုတာကြီးကို လွှဲချပီး ကျော်လွန်ချင်စိတ် အသစ်သစ်တစ်ခုခုကို တောင့်တစိတ်နဲ့ ၂၀၀၉ ကို ကြိုမိတာထင်ပါရဲ့လေ..

အဓိကကတော့ လူတွေရဲ့စိတ်ဓါတ်တွေပါ.. ရုပ်ဝတ္ထုတွေ လောဘတွေ တက်မက်မှုတွေ မုန်းတီးမှုတွေနဲ့ ပွမ်းတီးပီး ငြိမ်းအေးစိတ်မရှိတဲ့လူတွေ.. အဲဒီလူတွေကပဲ အဲဒီစိတ်တွေအခြေခံပီး လှုပ်ရှားကြ.. အဲဒီမှာ ထိခိုက်ခံစားရတဲ့ လူတွေကလည်း အဲဒီစိတ်ဓါတ်တွေနဲ့ပဲ တုန့်ပြန်ကြနဲ့.. သဘာဝဘေးအန္တရာယ်ဆိုတာ ထားလို့ ကျန်တဲ့အရေးအရာတွေ ဆုတ်ယုတ်ပျက်ယွင်းမှုမှာ ဒီစိတ်ဓါတ်တွေက အဓိကအချက်တွေ ဖြစ်လာကြတာလဲ မြင်နိုင်ပါတယ်.. ဒီလိုစိတ်ဓါတ်တွေနဲ့ သွားကြမဲ့ ၂၀၀၉ဟာရော.. နောက်ထပ် ဓါးစာခံ သက်မဲ့ဂဏန်းတစ်ခုပဲ ဖြစ်လာမှာပါပဲ..

ကျွန်တော်တို့ အမိမြေရဲ့ နိုင်ငံရေးကရော.. နှစ်နှစ်ဆယ်ဆိုတာကို အသာထားလို့ တစ်နှစ်ကိုပဲ ကြည့်မယ်ဆိုရင်တောင် ဖွဲ့စည်းပုံအခြေခံဥပဒေကို အတည်ပြုနိုင်တဲ့ ခြေလှမ်းကလွဲလို့ ဘာမှမထူးခဲ့ပါဘူး.. ဒါတောင် လက်ရှိအစိုးရက လှမ်းတဲ့ခြေလှမ်းဖြစ်ခဲ့ပီး တကယ့်တကယ် အတိုက်အခံတွေဟာ ဘာများလုပ်ခဲ့ကြပါလဲလေ.. လူငယ်တွေအတွက် အတိုက်အခံဆိုတာဟာ အစိုးရလုပ်တာကို နောက်ကလိုက်ပီး ကဖျက်ယဖျက်လုပ်တာကို ခေါ်တာပဲလို့ ထင်ရလောက်အောင် ဘာအခင်းအကျင်းကိုမှ ဦးဆောင်လှုပ်ရှား စီမံခဲ့တာမျိုးမရှိပဲ အစိုးရတစ်လှမ်းလျှောက်မှ အဲဒါကို ကန့်လန့်လိုက်တိုက်ရုံပဲ သွားနေတာပါပဲ.. ဒါကိုကြည့်ပီး တကယ်လို့များ အစိုးရငြိမ်ငြိမ်နေရင်လည်း ၂၀၀၈ဟာ ဘာမှမထူးတဲ့ နိုင်ငံရေးနှစ်တစ်ခု ထပ်ဖြစ်သွားဖို့ပဲ ရှိတယ်လို့ ကောက်ချက်ချမိပြန်ပါရော.. ဒါမကောင်းဘူးလို့ ပြောမဲ့လူတွေ၊ ကန့်ကွက်မဲ့လူတွေများနေပီး ဒီလမ်းကြောင်းကို ဒီလိုလုပ်ရမယ်ဆိုပီး လက်တွေ့ကျကျပြောနိုင်တဲ့ ပုဂ္ဂိုလ်မျိုးတွေ မပေါ်ထွန်းသေးတာလဲ ကျွန်တော်တို့နိုင်ငံရဲ့ ကံမကောင်းတဲ့ အချက်ပေါ့လေ..

ဒီတော့ ဒီလိုပူလောင်မှုတွေနဲ့ လူတွေရဲ့စိတ်ဓါတ်တွေဟာ နှစ်တွေကို ငြစ်နွမ်းစေပါရဲ့.. ဒါတွေကို မပြင်ပဲ သွားမဲ့ ၂၀၀၉ကရော ကောင်းနိုင်ပါ့မလား... အင်း.. နှစ်တနှစ်ကုန်ဆုံးမှုနဲ့ အသေအချာကို ကြီးရင့်လာတဲ့ ကျွန်တော့်အသက်ကပဲ တရားသဘောတွေ စဉ်းစားမိနေစေတာများလားဗျာ.. ပူလောင်ငြစ်နွမ်းနေတဲ့ စိတ်ကို ငြိမ်းသတ်တဲ့နေရာမှာ အစွမ်းအထက်ဆုံးဖြစ်တဲ့ မြတ်ဘုရားရဲ့ ဒေသနာတွေကို ဘာအရောင်မှ မလွှမ်းတဲ့ ဘုရားသားတော် သံဃာတစ်ပါးပါးဆီမှာ နာယူပီး စိတ်ကိုငြိမ်သက်စေချင်တဲ့စိတ်လည်း ဖြစ်မိပါတယ်.. အဲလိုသံဃာတွေ ပြည့်နှက်နေသေးတဲ့ မြန်မာနိုင်ငံမှာ လူဖြစ်ရတာကိုလည်း မိဘနဲ့ကံတရားကို ကျေးဇူးတင်မိပါတယ်ဗျာ..

Count Down အတွက် လူတွေတက်တက်ကြွကြွ အော်လိုက်တဲ့အသံက ကျွန်တော့်အတွေးတွေကို ရပ်တန့်စေပါတယ်.. မီးလာတုန်း အားအပြည့်သွင်းထားလို့ ထိန်နေတဲ့ ဘက်ထရီမီးချောင်းတွေ အောက်မှာ ကျွန်တော့်ဆွေမျိုးသားချင်းတွေ.. သူငယ်ချင်းတွေ.. ချစ်စရာ့မြန်မာတွေပေါ့ဗျာ.. သူတို့မျက်နှာတွေ ပျော်နေကြပါရဲ့.. ကျွန်တော်လည်း ပျော်ပါတယ်.. ဘာပဲပြောပြော နှစ်သစ်ဟာ မျှော်လင့်ချက်အသစ်တွေနဲ့ လူတွေကို လှုပ်ရှားတက်ကြွစေတာတော့ အမှန်ပါပဲ..

Happy New Year 2009

မောင်ငယ်ရင်သွေး

Saturday, December 20, 2008

စုံကန်ကြသူများ

ဘလော့တွေလည်ပတ်လုို့ နုိုင်ငံရေးဆုိုတာကြီးကုို မြီးစမ်းကြည့်ချိန်ဟာ ကြာမြင့်တာနဲ့အမျှ ဒီလောကကြီးကုို စိတ်ပျက်အားလျော့နေမိတဲ့ ကျွန်တော်.. အမြင်တူတာပဲဖြစ်ဖြစ် ဆန့်ကျင်တဲ့ အမြင်တွေပဲဖြစ်ဖြစ် ရှုထောင့်အသစ်ကမြင်တဲ့ အမြင်သစ်တွေပဲဖြစ်ဖြစ် ဆွေးနွေးတာတွေဟာ အကျိုးမယုတ်လောက်ပါဘူးဆုိုတဲ့ ယုံကြည်ချက်တွေပျောက်လုို့ ကုိုယ့်မှာရှိတဲ့ အမြင်ကုိုတောင် ပြောချင်စိတ်ပျောက်နေတဲ့ ကျွန်တော်.. အရေးကြဲပါးနေချိန်မှာ ကုိုမျုိုးမြန်မာက လေးလလောက်တောင် ဘာမှမရေးနုိုင်တဲ့ မောင်ငယ်ရင်သွေး ဆုိုသူကုို ပူးတွဲရေးသားပါသည်လုို့ စာတင်ထားရတာ မမိုက်သလုိုလို ပြောလာတော့လဲ (တကယ်ဆုို သူကျတော့လည်း ရေးအားတော်တော် ကောင်းရှာသကုိုး.. ဟားဟား) ကုိုယ်ခံစားနေရတဲ့ ဖီလင်ကုိုပဲ ကြဲချလုိုက်ပါတယ်..

အဓိကကတော့ ယုံကြည်ချက်ကုိုယ်စီနဲ့ ဒီမုိုဘက်တော်သားကွ.. နအဖဘက်ကကွ.. အလယ်လူကွ.. ထောက်ပြဝေဖန်သူကွနဲ့ နုိုင်ငံရေးဘလော့တွေမှာ ရေးနေကြ.. ကော်မန့်တွေပေးကြ.. ချေပကြ.. ငြင်းကြ.. ခုန်ကြ.. တုိုက်ကြ.. ခုိုက်ကြ.. ဆဲကြ.. ဆုိုကြသူအများစုဟာ တကယ့်ဖြေရှင်းဖုို့လမ်းစဉ်ကုို ရှာတာမျိုး.. ဒါကုိုဖြင့် တကယ်မြတ်နုိုးလုို့ ယုံကြည်လုို့.. ဒါကုိုဖြင့်တကယ်ဆန့်ကျင်လုို့ ကန့်ကွက်လုို့ ဆုိုတာမျိုးမဟုတ်ပဲ ကုိုယ့်ဘက်ကနေကုိုယ် အတင်းစုန်ကန် ကာကွယ်ငြင်းဆန်ဖုို့ အားသန်ကြသူတွေသာ ဖြစ်နေတယ်လုို့ ခံစားလာရာကနေ စတယ်ဆုိုပါတော့ဗျာ..

သူတုို့တွေဟာ လုပ်ရပ်တစ်ခုကုိုတောင် ကုိုယ့်လူလုပ်ရင်မှန်ပီး သူများလုပ်ရင်မှားတာမျိုးတွေကို ပြောင်းလဲလက်ခံကြပါရဲ့.. ကုိုယ့်ရဲ့အားနည်းချက် အမှားတွေကို ထောက်ပြနေမှုတွေကို ဆန့်ကျင်ဘက်အမြင်ဆိုတဲ့ ခပ်သွမ်းသွမ်းပြောဆိုချက် တစ်ခုလောက်နဲ့ မစဉ်းစားတော့တာဟာ အဲဒါကို စဉ်းစားဖြေရှင်းဖို့ လမ်းကို မတွေးနိုင်တဲ့စိတ်က အစပျိုးခဲ့တယ်လို့ ထင်ပါတယ်.. အဲဒါရဲ့ ရလာဒ်အနေနဲ့ ကျွန်တော်ဘာကိုသတိထားမိသလဲဆိုတော့ အစိုးရနဲ့ အတိုက်အခံဟာ အဆိုးပြိုင်နေကြသလို ဖြစ်လာကြပါတယ်.. ခုကျွန်တော်ရေးနေတဲ့ ဘလော့မှာ ကိုမျိုးမြန်မာဟာ အတိုက်အခံတွေကို စူးစူးရောက်ရောက်ဝေဖန်သလောက် အစိုးရရဲ့ အားနည်းချွတ်ယွင်းချက်တွေကို မျက်ကွယ်ပြုထားတာတွေကစလို့ တခြားတခြား ဘလော့ဘလော့တွေဟာ ကိုသန်ရာသန်ရာတစ်ဖက်ဖက်ကို ဇောင်းပေးလို့ အဲဒါကို စုန်ကန်ငြင်းဆန်ဖို့.. မငြင်းဆန်နိုင်တော့တဲ့ အဆင့်ရောက်လာရင်တောင် ပြန်လက်ညှိုးထိုးဖို့ ပြင်ဆင်နေကြတာကိုပဲ စိတ်ပျက်ဖို့ကောင်းလောက်အောင် မြင်နေရတာလဲ အထင်းသားပါဗျ..

အဲဒီထဲမှာ ကိုယ်ယုံကြည်နေတဲ့လူတွေဟာလည်း ပုတ်လို့ ပေါ်ရုံတင်မက အသံပလံတွေ ထွက်လိုက်ကြတာဟာ ပုတ်ပွပျော်ကျတဲ့အဆင့် ရောက်နေတာ နှစ်ဖက်လုံးအထင်းသားပါ.. အင်တာနက်ကြီး ဖွံ့ဖြိုးလာလို့ အစိုးရဟာ ထိန်းမနိုင်တော့ပါဘူးကွ.. ဘာကွနဲ့ ဟစ်ကြွေးနေတဲ့ အတိုက်အခံတွေဟာလည်း ဖုံးမနိုင်ဖိမရ သူတို့ရဲ့ အတွင်းရေးတွေ မြင်မကောင်း ကြားမကောင်းအောင် ထွက်လာတာကိုလည်း မျက်လုံးအပြူးသားနဲ့ပဲ ကြည့်နေခဲ့ရပါတယ်.. ကျွန်တော် ပီးခဲ့တဲ့ ဆောင်းပါးမှာရေးခဲ့တဲ့ ဂုဏ်ရည် (၁၃) ရပ်ကို တုန့်ပြန်ကြတဲ့လူတွေကိုကြည့်ရင် သူတို့ဟာ အတိုက်အခံလုပ်တာတွေကို လက်ခံထားကြပါတယ်.. ဒီတော့ သံဃာတွေကို နှိပ်ကွပ်တယ်ဆိုတာ.. ပြည်သူတွေကို ဖိနှိပ်ပါတယ်ဆိုတာ.. လာဒ်စားမှုတွေ ဖြတ်ခုတ်မှုတွေပြုလုပ်ပါတယ်ဆိုတာ.. လူ့အခွင့်အရေး ချိုးဖောက်တယ်ဆိုတာတွေဟာ အစိုးရလုပ်လို့ လက်မခံတာ.. အတိုက်အခံ လုပ်တာတွေကိုတော့ လက်ခံလစ်လျူရှုထားတယ်ဆိုတာ ငြင်းချက်ထုတ်လို့မရတဲ့အပြင်.. အဲဒါတွေအတွက် စုံကန်ပေးဖို့ပါ အသင့်ရှိနေကြတာလည်း အံ့သြောစရာကောင်းပါရောဗျ.. တကယ်ဆို ဘယ်သူလုပ်လုပ် မှားတာဟာ မှားတာပဲဖြစ်ပြီး မှန်တာဟာ မှန်တာပဲ ဖြစ်ရမယ်မဟုတ်ဘူးလား.. အဲဒီတော့ ရင်နာလှချည်ရဲ့လို့ အော်ငြီးပြခဲ့တဲ့ လုပ်ရပ်တွေဟာ ဟန်ဆောင်ချက်တွေလား.. ဘာကြောင့်လည်း.. ကျွန်တော်တို့ဟာ မကောင်းပါဘူးဆိုတဲ့ အစိုးရကို အသက်စွန့်ဖယ်ချပီး အလားတူ အကျင့်တန်နေကြတဲ့ လူတွေအတွက် တိုက်ပွဲဝင်ပေးရမတဲ့လား.. ဘယ်ကလာ ငါတို့အတွက်ရမလဲ နိုင်ငံအတွက်ကွလို့ ဆိုရအောင်လဲ နိုင်ငံနဲ့ ပြည်သူကို မွဲတွေစေတဲ့ လုပ်ရပ်တွေမှာ လက်စလက်န အထင်းသားပါနေသူတွေလည်းဖြစ်ပြန်.. သူတို့မှမပေးရင် မရလောက်အောင် ပြည်သူကို တဖက်က အကျပ်ကိုင်နေတာကလည်း မြင်နိုင်သားဆိုတော့ အဲဒီလူတွေရဲ့ နိုင်ငံအတွက်ဆိုတာကိုလည်း လန့်မိနေတာအမှန်ပါပဲ..

အင်း.. ပတ်ဝန်းကျင်ကို လှည့်ကြည်မယ်ဆိုရင်တော့ ဆိုးလှပါရဲ့ဆိုတဲ့ ကွန်မြူနစ်စနစ်တွေ၊ တပါတီစနစ်တွေ၊ တ၀က်တပျက်ဒီမိုတွေ၊ ဒါပေမဲ့ အားလုံးကတလူလူတက်လို့ဗျ.. ဒါဆိုလည်း ဒီမိုမှဒီမို မရလို့ ဒဏ်ခတ်ပါ ပိတ်ပါ ဆို့ပါ ၀င်ပါ တိုက်ပါဆိုတဲ့လူတွေ၊ ဒီမိုမရပဲ ဘယ်လိုမှပဲ တိုင်းပြည်မချမ်းသာနိုင်တော့သလိုလို၊ ဒီမိုရရင်ပဲ ၀ုန်းခနဲ ချမ်းသာသွားမလို ထင်နေကြတဲ့လူတွေ ဘယ်လိုစုန်ကန်ကြမှာလဲ.. ပိတ်ပစေ ဆို့ပစေ တိုင်းပြည်လုံခြုံဖို့ လိုတယ်.. မဆူနဲ့ မလှုပ်နဲ့ဆိုတဲ့လူတွေရော ဘယ်လိုစုန်ကန်ကြမှာလဲ.. ကျွန်တော်မြင်တာတော့ အဲဒီတလူလူနိုင်ငံတွေမှာ စုန်ကန်တက်တဲ့ တပ်မတော်အာဏာမသိမ်းထားသလို၊ စုန်ကန်တတ်တဲ့ အန်အယ်ဒီလိုအတိုက်အခံ ပါတီလည်း မရှိဘူးဗျ..
အဲ.. ပိုဆိုးတာက အဲဒီလူတွေဟာ စုံကန်ရုံကလွဲပီးတော့ ပြည်သူနဲ့ နိုင်ငံကိုအကျိုးရှိစေမဲ့ ဘာအခင်းအကျင်းမှ မရှိကြတဲ့အပြင်.. အဆိုးဆုံးက စုံကန်ငြင်းဆန်ပီး သူတို့အမှားတွေကို ပြင်ဖို့လည်း မကြိုးစားတာပဲဗျ..

ဒီတော့ အစိုးရနဲ့ အတိုက်အခံတို့ရဲ့ အာဏာလုကြတဲ့ပွဲမှာ တဖက်နဲ့တဖက် စုန်ကန်ကြသူတွေပေါင်းလို့ အဲဒီကြားထဲက ကျွန်တော်တို့ နိုင်ငံဟာ.. ကျွန်တော်တို့ ပြည်သူဟာ.. ကျွန်တော်တို့ဟာ.. ကျွန်တော်ဟာ..

နွမ်းလျတဲ့စိတ်နဲ့ပဲ စာဖတ်သူကို ကျေးဇူးတင်လိုက်ပါတယ်ဗျာ

မောင်ငယ်ရင်သွေး

Saturday, November 8, 2008

အချုပ်အခြာအာဏာအရေးနှင့် မြန်မာ့အတိုက်အခံများအပေါ် အမြင်

တစ်ပတ်ကျော်မျှ ကြာမြင့်လာပြီဖြစ်သည့် လက်ရှိ မြန်မာ-ဘင်္ဂလားဒေ့ရှ် နယ်စပ်တွင် ဖြစ်ပွားနေသော ရေပိုင်နက်အငြင်းပွားမှု ပြသနာကြောင့် ဤဆောင်းပါးအားရေးသားခြင်း ဖြစ်ပါ၏။ ဥပဒေမဲ့ မှားယွင်းတောင်းဆိုမှုဟု မြန်မာအစိုးရမှ ပြတ်သားစွာဆိုခဲ့သော ဘင်္ဂလားဒေ့ရ်ှနိုင်ငံ၏ စွပ်စွဲမှုမှ စတင်ကာ ပေါ်ပေါက်ခဲ့သည့် နယ်မြေပိုင်ဆိုင်မှု အငြင်းပွားပြသနာအား အခြေပြုကာ မြန်မာ့နိုင်ငံရေးအား လေ့လာလိုခြင်းလည်း ဖြစ်ပါသည်။

ထိုအဖြစ်စတင်ခဲ့သည်နှင့် တပြိုင်နက် မြန်မာ့ဘလော်ဂါများအကြားတွင် လှုပ်လှုပ်ရှားရှား ရှိခဲ့ပြီး မည်သည့်အကြောင်းများကြောင့် ဖြစ်သည်၊ မည်သူမှားသည် မှန်သည်ဟု မသေချာချိန်မှာပင် အချို့သော သူတို့၏။ နာမည်ကြီး မြန်မာနိုင်ငံရေးသတင်းဌာနများမှ ဆောင်းပါးရှင်တို့၏ ရေးသားချက်များသည် အစဉ်အလာမပျက်ပင် လက်ရှိအစိုးရအား စွတ်စွဲပစ်တင်မှုများဖြင့် စခဲ့ကြပါ၏။

သို့သော် ထိုအရာထက် အံ့သြောဖွယ်ကောင်းသည်မှာ တရားဝင်ရပ်တည်နေသော မြန်မာ့အတိုက်အခံပါတီကြီးဟုဆိုသည့် အန်အယ်ဒီပါတီ၊ ပြည်တွင်းပြည်ပရှိ စာတမ်းများ ကြေငြာချက်များ ထုတ်ရာတွင် လက်သွက်လှသော အဖွဲ့အစည်းမျိုးစုံတို့၏ အသံတိတ်မှုပင်ဖြစ်၏။ ထိုအရေးနှင့်ပက်သက်၍ သူတို့ဆီမှ အမြင်များ တုန့်ပြန်မှုများအား ယခု ဆောင်းပါးရေးချိန်အထိ စိုးစဉ်းငယ်မျှ မကြားရခြင်းသည် ကျွန်တော့်အဖို့ ဆန်းကျယ်လှ၏။ အမိမြန်မာနိုင်ငံတော်အတွက် ထို အတိုက်အခံဆိုသည့် နိုင်ငံရေးပါတီကြီး၏ ဖြစ်တည်နေမှုသည်၊ ပြည်တွင်းပြည်ပမှ ဖွဲ့ထားသော အဖွဲ့အစည်းတို့၏ တည်ရှိနေမှုသည် လက်ရှိအစိုးရအား ဆန့်ကျင်ရုံ၊ ပုတ်ခတ်ပစ်တင်ရုံ သက်သက်အတွက်သာ ဖြစ်သည်လား။ နိုင်ငံတော်၏ အချုပ်အခြာအာဏာကိစ္စဆိုသည်မှာ ထိုအဖွဲ့အစည်း ပါတီတို့အနေဖြင့် မိမိတို့အမြင်အား ပြောကြားဖို့ မလိုလောက်အောင်ပင် လားလားမျှမဆိုင်သည်လား။

အဘယ့်ကြောင့် နိုင်ငံတော်အား ကူညီမှုများ၊ ပူးပေါင်းဆောင်ရွက်မှုများ ရှိလာသည့်နိုင်ငံများအပေါ် ကန့်ကွက်ပစ်တင်ခြင်း၊ ရှုံ့ချခြင်း၊ အဆိုပါနိုင်ငံများ၏ သံရုံးများရှေ့တွင် ဆန္ဒပြခြင်းတို့ဖြင့် သဲသဲလှုပ်ရှိလှသော ထိုလူ၊ပုဂ္ဂိုလ်၊ အဖွဲ့အစည်း၊ ပါတီတို့သည် နိုင်ငံ၏ အချုပ်အခြာကို ထိပါးသော ယခုအရေးတွင် နှာစီးနေကြပါသနည်း။ လေ့လာကြည့်မည်ဆိုလျှင် အဆိုပါသူတို့၏ ယခုလှုပ်ရှားမှုများတွင် ထိုအရေးသည် မဖြစ်နေသကဲ့သို့ပင် ရှိချေ၏။

ဤနေရာတွင် လေ့လာမိသည်မှာ အဆိုပါအတိုက်အခံတို့သည် အစိုးရအား ဆန့်ကျင်မှုနှင့် နိုင်ငံတော်၏ အရေးအရာများအား ကွဲကွဲပြားပြားမရှိလှ ခြင်းပင်ဖြစ်၏။ ယုတ်ဆွအဆုံး ဒို့တာဝန်အေ၇းသုံးပါးကဲ့သို့သော ကိစ္စမျိုးမှာပင်လျှင်

  • အစိုးရမှ ပြည်ထောင်စုမပြိုကွဲရေး.. ဒို့အရေးဟုဆိုလျှင် ထိုအချက်ကို ဆန့်ကျင်ချင်ရုံမျှဖြင့် သူတို့၏လှုပ်ရှားမှုများသည် ပြည်ထောင်စုပြိုကွဲရေးကို ဦးတည်ကြ၏။
    (ပြည်ထောင်စုမှ ခွဲထွက်ရေးကြိုးပမ်းနေကြသည့် တိုင်းရင်းသား အဖွဲ့အစည်းများအား အားပေးအားမြှောက်ပြုသည့် လုပ်ရပ်များ စသည်...)
  • တိုင်းရင်းသား စည်းလုံးညီညွတ်မှု မပြိုကွဲရေး.. ဒို့အရေးဟု ဆိုလျှင် ထိုအချက်ကို ဆန့်ကျင်ချင်ရုံမျှဖြင့် သူတို့၏လှုပ်ရှားမှုများသည် တိုင်းရင်းသား စည်းလုံးညီညွတ်မှု ပြိုကွဲရေးကိုဦးတည်ကြ၏။
    (တိုင်းရင်းသားများအား အစိုး၇နှင့် ငြိမ်းချမ်းရေးရရှိသွားမည်ကို အပြင်းအထန် စိုးရိမ်စိတ်ဖြင့် သွေးထိုးလှုံ့ဆော်သည့်လုပ်ရပ်များ.. အကယ်၍ အစိုးရနှင့် ငြိမ်းချမ်းရေးတည်ဆောက်ကာ အလင်းဝင်သည့် တိုင်းရင်းသား အဖွဲ့များ ရှိလာလျှင်ပင် မလိုတမာပြောဆိုမှုများ.. ပုတ်ခတ်မှုများ.. စသည်)
  • အချုပ်အခြာအာဏာ တည်တံ့ခိုင်မြဲရေး ဒို့အေ၇းဟု ဆိုလျှင် ထိုအချက်ကို ဆန့်ကျင်ချင်ရုံမျှဖြင့် သူတို့၏လှုပ်ရှားမှုများသည် နိုင်ငံတော်အား တိုင်းတပါးမှ ၀င်ရောက်သိမ်းယူမှုကို ဦးတည်ကြ၏။
    (ပမာပြစရာ မလိုလှပါပေ.. အားလုံးအသိပင်ဖြစ်ပေ၏.. မည်မျှပင် ထိုအရာအတွက် ထန်းလက်ကာ ဆင်ခြေများပေးစေကာမူ ထိုအချက်သည် အချုပ်အခြာအာဏာ ပျက်စီးရေးကိုသာ ဦးတည်ပေ၏)

ထိုသို့သော အမိမြန်မာနိုင်ငံတော်မှမက မည်သည့်နိုင်ငံအတွက်မဆို အရေးကြီးလှသော၊ ကမ္ဘာပေါ်ရှိနိုင်ငံသားတိုင်းမှ မိမိတို့၏နိုင်ငံအတွက် ထားကိုထားရမည့် မှန်ကန်ကောင်းမွန်သော တာဝန်များကိုပင်လျှင် ငါတို့၏တာဝန်ဖြစ်သည်။ လက်ခံယုံကြည်ပါသည်ဟု ဆိုမည့်အတိုက်အခံ ဒီမိုကရေစီသမား မည်မျှရှိမည်နည်းဟု စာဖတ်သူ ထင်ပါသနည်း။ အစိုးရမှ အော်နေသောအချက်ဖြစ်သည်ဆိုသည်ကပင် ထိုသူတို့အား ကျောခိုင်းပစ်ရန်၊ လှောင်ပြောင်ပစ်လိုက်ရန်၊ ဆုတ်ဖြဲပစ်လိုက်ရန် လုံလောက်သောအချက် ဖြစ်သွားခဲ့သည်မှာ အံ့သြောစရာပင်ဖြစ်၏။

ဤသို့သော စိတ်ဓါတ်တို့သည် လာမည့် နိုင်ငံတော်၏ ဒီမိုကရေစီ နိုင်ငံတော်အတွက်ပင်လျှင် များစွာအကျိုးယုတ်စေမည့် စိတ်ဓါတ်များဖြစ်သည်ဟု ကျွန်တော်ယူဆပါ၏။ ကွဲပြားသော အမြင်တို့ဖြင့် နိုင်ငံတော်၏ အကျိုးကို စွမ်းဆောင်ကြမည့် နိုင်ငံေ၇းပါတီအသီးသီးတို့တွင် ထိုစိတ်ဓါတ်များ ကိန်းအောင်းနေမည် ဆိုပါလျှင် သဘောထား ကွဲပြားမှုများကို မည်သို့ဖြေရှင်းကြမည်နည်း။ မိမိဆန့်ကျင်သူမှ ပြုသည်ဆိုရုံနှင့် ပယ်ရမည်ဆိုလျှင် အဘယ်မှာလျှင် တည်ငြိမ်အေးချမ်းသော၊ ကောင်းမွန်သောလမ်းကို နိုင်ငံသည်လျောက်လှမ်းနိုင်ပါဦးမည်နည်း။ အငြင်းပွားမှုများ တရွတ်ဆွဲ ပြသနာရှာမှုများနှင့်သာ လုံးခြာလည်လိုက်နေသော အဖြစ်များသာ ရှိနေမည်မဟုတ်ပါလား။

ယခုမူကား အဆိုပါအတိုက်အခံတို့သည်
  • အချို့ကလည်း မိမိတို့နှင့်လားလားမျှမဆိုင်သည့် ကိစ္စတစ်ခုကဲ့သို့သော်လည်းကောင်း၊
  • အချို့ကလည်း အစိုးရအခက် ငါတို့အချက်ဟု ဟစ်ကြွေး၍သော်လည်းကောင်း၊
  • အချို့ကလည်း စောင့်ကြည့်လျှက် စစ်ဖြစ်လျှင် ပြည်သူကို စစ်မီးဒဏ်ခံခိုင်းပြန်ပီ၊ ဒေသတွင်း ပြသနာရှာတဲ့အစိုးရ စသည်ဖြင့်.. စစ်မဖြစ်လျှင် နိုင်ငံကိုတောင် မစောင့်ရှောက်နိုင်ဘူး၊ ကြောက်နေတာပဲ စသည်ဖြင့် လက်ညှိုးထိုးရန် အသင့်ပြင်ခြင်းဖြင့်လည်းကောင်း
ရှိနေကြသည်မှာ စိတ်ပျက်ဖွယ်ဖြစ်၏။ ဆိုးရွားသည်မှာ ထိုသူတို့ ဟန်တပြင်ပြင် ဖြစ်နေကြသည့်အရေးမှာ အမိနိုင်ငံတော်၏ အချုပ်အခြာအာဏာနှင့်ဆိုင်သော အရေးဖြစ်နေခြင်းပင်ဖြစ်ပေသည်။

ထို့ကြောင့် ကျွန်တော်တို့သည် မည်သည့်ခံယူချက်ကိုယုံကြည်သည် စွဲကိုင်သည်ဖြစ်စေ အဆိုပါခံယူချက် လှုပ်ရှားမှုတို့သည် အမိနိုင်ငံတော်အား အကျိုးရှိစေမည့်၊ ရေရှည်တည်တံ့ ခိုင်မြဲစေမည့်၊ အချုပ်အခြာအာဏာကို မြတ်နိုးသည့် ခံယူချက်များ လှုပ်ရှားမှုများသာ ဖြစ်သင့်ပါသည်ဟု မိကျောင်းမင်း ရေခင်းပြ တိုက်တွန်းလိုက်ပါသည်။

ကျေးဇူးတင်ပါသည်
မျိုးမြန်မာ

Tuesday, September 23, 2008

ပြုသူနှင့် ဖျက်သူ

(မြန်မာတီးရှော့တွင် ကျွန်တော်မျိုးမြန်မာမှ ဆွေးနွေးခဲ့ဖူးသည့် အကြောင်းအရာတစ်ခုအား မိမိပုိုင် ဘလော့တွင် ပြန်လည်ဖော်ပြ မှတ်တမ်းထားခြင်း ဖြစ်ပါသည်။)

ယခုဆောင်းပါးအား “သင်သည်သာ နုိုင်ငံတော်အား အုပ်ချုပ်ခွင့်ရမည်ဆုိုပါလျှင် ဘာလုပ်မည်နည်း”ဆုိုသည့် မေးခွန်းဖြင့် အစပြုလုိုပါ၏။ လျှပ်တပြက် မြန်ဆန်စွာစဉ်းစား၍ဖြစ်စေ၊ သေချာစွာစဉ်းစား၍ဖြစ်စေ မည်သုို့ ဖြေဆုိုစေကာမူ သင်၏ စိတ်ဝယ်ပေါ်လာမည့် စိတ်ကူးစိတ်သန်းသည် နုိုင်ငံတော်၏ အကျိုးကျေးဇူးတစ်စုံတစ်ရာအတွက် မှန်းရွယ်ရည်သန်လျက် ဖြစ်နေမည်ဆုိုသည်ကုို ကျွန်တော့်အနေဖြင့် သေချာပါ၏။ မိမိလုပ်သမျှအား အကောင်းဆုံး၊ အအောင်မြင်ဆုံး၊ အတော်ဆုံးသာ ဖြစ်စေကြလုိုသည်မှာ လူတုို့၏ အခြေခံသဘာဝပင် ဖြစ်ပေသည်မဟုတ်လား။ လက်တွေ့နုိုင်ငံရေးသည် ထုိုမျှလောက်မရုိုးရှင်းလှသည်မှာ မှန်သော်လည်း အတ္တကုိုအခြေခံထားသည့် လူတို့၏ စရုိုက်ကုိုလည်း ထည့်သွင်းစဉ်းစားရန် လုိုအပ်ပါသည်။

ထုို့ကြောင့် လက်ရှိတပ်မတော်အစုိုးရသည် မိမိတို့ အုပ်ချုပ်နေသော နုိုင်ငံတော်အား အကောင်းဆုံး ဖြစ်စေလုိုမည်မှာ မငြင်းနုိုင်သော သဘောတရားဖြစ်၏။ ထုိုအရာသည် သူတုို့၏နာမည်အတွက် ဖြစ်ချင်ဖြစ်မည်။ နုိုင်ငံတည်ငြိမ်တုိုးတက်ခြင်းအားဖြင့် သူတုို့၏ စွမ်းရည်အား ပြသရာရောက်ကာ အာဏာအား ပုိုမိုတည်မြဲ ကြာရှည်အောင် အလွယ်တကူ ဆုပ်ကုိုင်နုိုင်စေရန် အထောက်အပံ့အတွက် ဖြစ်ချင်ဖြစ်မည်။ အမှန်တကယ် နုိုင်ငံတော်ကြီး ဖွံ့ဖြိုးတုိုးတက်လုိုစေသောကြောင့် ဖြစ်ချင်ဖြစ်မည်။ မည်သည့်အကြောင်းကြောင့်ဖြစ်စေ လက်ရှိအစုိုိးရတွင် ထုိုသုို့ နုိုင်ငံကုိုဖွံ့ဖြိုးတုိုးတက် တည်ငြိမ်စေလုိုစိတ်သည် မည်သူ့ထက်မျှ မလျော့အောင် ရှိနေမည်မှာ အမှန်ပင်ဖြစ်၏။ နုိုင်ငံတော် တည်ငြိမ်တုိုးတက်မှုနှင့် မိမိအာဏာတည်မြဲမှု အကျိုးစီးပွား တုိုက်ရုိုက်အချိုးကျမှုသည်လည်း နိုင်ငံတစ်ခု၏ အစိုးရတစ်ရပ်နှင့် ထိုနိုင်ငံတို့အကြား မည်သည့်စနစ်တွင်မဆို မှန်ကန်သော သီအိုရီတစ်ခုအဖြစ် ရှိနေဆဲပင်ဖြစ်သည်။ ဤသို့ဖြင့် တပ်မတော်အစိုးရသည် နိုင်ငံတော်အား အမှန်တကယ်ချစ်မြတ်နိုးသောကြောင့်သော်လည်းကောင်း၊ မိမိအာဏာတည်မြဲမှုကြောင့်သော် လည်းကောင်း နိုင်ငံတော်တိုးတက်ရေးတွင် အားစိုက်ကြိုးပမ်းရမည့် ပြုသူများဖြစ်လာကြပါသည်။

ဤနေရာတွင် အဆိုပါပြုသူများအပေါ် ဆန့်ကျင်ရုံမျှဖြင့် ထိုသူများကို ဖျက်သူများဖြစ်သည်ဟု ယူဆ၍မရနိုင်ပါချေ။ အဘယ်ကြောင့်ဆိုသော် လူ့သဘာဝအရ လူတိုင်းသည် အကောင်းဆုံးပြုချင်ကြသည်မှာ မှန်သော်လည်း ပြုနိုင်စွမ်းမရှိသူများအား အကောင်းဆုံးလုပ်နေသည်ပဲဟု လွှတ်ထားပေးသည်ထက် ပိုမိုစွမ်းဆောင်နိုင်မည့် လူများက တာဝန်ယူဆောင်ရွက်ခြင်းဖြင့် မိမိအသိုင်းအ၀ိုင်းနှင့် ပတ်ဝန်းကျင်၊ နိုင်ငံတို့သည် ပိုမိုကောင်းမွန်သော အနေအထားသို့ ရောက်ရှိမည်ဆိုလျှင် ထိုသို့ကြိုးပမ်းခြင်း၊ ဝေဖန်ခြင်း၊ ထောက်ပြခြင်းတို့သည် လက်သင့်ခံသင့်သော အရာများသာ ဖြစ်လျှက် ထိုသူများသည်လည်း ပြုသူများသာဖြစ်ကြပါချေလိမ့်မည်။

သို့သော်ငြားလည်း လက်ရှိမြန်မာ့နိုင်ငံရေးတွင် အဓိကအတိုက်အခံပါတီအပါအ၀င် အတိုက်အခံအားလုံးနည်းပါးသည် လက်ရှိတပ်မတော်အစိုးရအား ဆန့်ကျင်ရုံသက်သက်ဖြင့် အစိုးရ၏ မူဝါဒများ၊ လုပ်ဆောင်ချက်များ အားလုံးကို သင့်သည်မသင့်သည် မစဉ်းစား အစဉ်တစိုက် ကန့်ကွက်မှုများကို ပြုလုပ်ခဲ့သည်မှာ အထင်အရှားပင်ဖြစ်၏။ အစိုးရမှ တည်ငြိမ်အေးချမ်းမှုသည် အရေးကြီးသည်ဆိုလျှင် ထိုသူတို့သည် တည်ငြိမ်အေးချမ်းမှုကို ပျက်ပြားအောင်ပြုကြ၏။ နိုင်ငံသားများ စီးပွားရေး တိုးတက်ရေးသည် ပဓါနဟု ဟစ်ကြွေးချိန်တွင် အတိုက်အခံတို့အတွက် စီးပွားရေးပျက်ပြားရေးသည် ဦးတည်ချက်ဖြစ်ကြ၏။ တိုင်းရင်းသားအရေးသည် အရေးကြီးသည်ဆိုလျှင် တိုင်းရင်းသားများအား သွေးထိုးပင့်မြှောက်ကာ ပျက်ပြားရေးကို ဦးတည်ကြ၏။ ထိုသို့ တိုင်းပြည်၏ အရေးအားလုံးနီးပါးတွင် အဖျက်သဘောဖြင့်သာ တောက်လျောက်လုပ်ဆောင်ခဲ့ကြသည့် အဆိုပါအတိုက်အခံများ၊ ယုတ်စွအဆုံး နိုင်ငံတစ်နိုင်ငံ၏ အဓိကအသက်သွေးကြော ပဓါနကျလှသော
၁) ပြည်ထောင်စုမပြိုကွဲရေး
၂) တိုင်းရင်းသားစည်းလုံးညီညွတ်မှု မပြိုကွဲရေး နှင့်
၃) အချုပ်အခြာအာဏာတည်တံ့ခိုင်မြဲရေး အစရှိသည့်
ဒို့တာဝန်အရေးသုံးပါးလို တာဝန်မျိုးကိုပင် တပ်မတော်အစိုးရမှ ဟစ်ကြွေးသည်၊ ကြေငြာခဲ့သည်ဆိုရုံမျှနှင့် ထိုသူတို့သည် မျက်ကွယ်ပြုကြ၏၊ ပျက်ရယ်ပြုကြ၏၊ ဆန့်ကျင်သော လုပ်ရပ်များကို လုပ်ဆောင်ဝံ့ကြ၏။

ထိုသို့ ကောက်ချက်ချလေ့လာမိသောအခါ အတိုက်အခံတို့သည် မြန်မာ့နိုင်ငံရေး သက်တမ်း နှစ်နှစ်ဆယ်တွင် ပြုသူများအဖြစ် ရပ်တည်ခဲ့ကြပါသည်ဆိုသည်ကို ကျွန်တော်မျိုးမြန်မာအနေဖြင့် လက်ခံမပေးနိုင်တော့သည့်အပြင် ထိုသူများသည် ဖျက်သူများသာ ဖြစ်သည်ဟု စွပ်စွဲချင်ပါသည်။ ထိုသူတို့၏ အစိုးရအားဆန့်ကျင်ရုံပီးရော လှုပ်ရှားချက်များ လုပ်ဆောင်ချက်များသည် မည်သည့်နေရာတွင်မှ မြန်မာနိုင်ငံအတွက် အပြုသဘောအကျိုးသက်ရောက်စေသော အရာစဉ်းငယ်ကိုမျှ မတွေ့ရသေးခြင်းသည် ထိုသူတို့အား ဖျက်သူများဖြစ်လာစေပါ၏။

ဆိုခဲ့ပြီးသကဲ့သို့ပင် မြန်မာဟုအမည်ပြောင်းခဲ့ခြင်း ကိစ္စမျိုးမှစကာ လက်ရှိတပ်မတော်အစိုးရမှ မျိုးချစ်စိတ်ကို အခြေခံပါသည်ဟု ဆိုသောကြောင့် မျိုးချစ်စိတ်အား အမြင်ကျဉ်းမြောင်းလှသော သဘောတရားတစ်ခုလောက်သာ ဖြစ်သွားလောက်အောင် ပုံသွင်းပြောဆိုအခြေခံလှုပ်ရှားမှုများအဆုံး ထိုဆန့်ကျင်ရုံပီးရောစိတ်ကို အခြေခံကာ အတိုက်အခံတို့မှ လှုပ်ရှားခဲ့သော အရာအားလုံးသည် နိုင်ငံတော်အတွက် နစ်နာစေမည့်၊ အဖျက်သဘောတရားများသာ သက်ရောက်နေခြင်းမှာ ၀မ်းနည်းဖွယ်ကောင်းလှချေ၏။

ကျေးဇူးတင်ပါသည်။
မျိုးမြန်မာ